З 1 студзеня 1976 года бібліятэка стала філіялам №4 Гродзенскай ГЦБС. З 1976 года да 1988 бібліятэку ўзначальвалі Л.В.Рута, Т.А. Мазур, Л.В. Рабато. З 1988 да 1999 гадоў пасаду загадчыка бібліятэкі займала Г.М. Андрыянава. З 13 сакавіка 1991 года ў бібліятэцы працуе клуб па інтарэсах «Кнігалюб». На пасяджэннях клуба сустракаюцца штомесячна 20 аднадумцаў, аматараў чытання і мастацтва. Мэта клуба “Кнігалюб” – эстэтычнае выхаванне, знаёмства з лепшымі ўзорамі літаратуры, мастацтва, культуры, арганізацыя вольнага часу членаў клуба. Клуб запрашае таксама і на сустрэчы са знакамітымі гасцямі. Гасцямі мерапрыемстваў былі паэты і барды, святары, мастакі, ўрачы і інш.

З 1997 года на пасаду загадчыка філіяла прызначана Бяроза А.У., якая паспяхова кіруе ўстановай і сёння. Бібліятэка-філіял №4 абслугоўвае штогадова 3200 карыстальнікаў, прадастаўляючы ім доступ да дакументаў на розных носьбітах у агульнай колькасці больш за 36 тыс. экзэмпляраў.

У бібліятэцы з 2008 года ажыццяўляюцца паслугі, звязаныя з сучаснымі інфармацыйнымі тэхналогіямі. Супрацоўнікі філіяла №4 праводзяць масава-інфармацыйную работу з навучэнцамі СШ №22, гімназіі №5, Гродзенскага кадэцкага вучылішча, наведвальнікамі падлеткавага клуба “Мара”, наведвальнікамі  аддзялення дзённага знаходжання інвалідаў ДУ “Цэнтр сацыяльнага абслугоўвання насельніцтва Ленініскага раёна г.Гродна”.