Смецце.NET

24 лістапада ў аддзеле абслугоўвання дзяцей Гродзенскай гарадской цэнтральнай бібліятэкі імя А. Макаёнка прайшло пасяджэнне клуба «Мурашы». Экалагічны ўрок чысціні «Смецце.NET» быў прысвечаны праблемам забруджвання навакольнай прасторы і паасобнаму збору смецця. Кожны з нас можа зрабіць свет чысцей. Бо кінуты на зямлю паліэтыленавы пакет будзе раскладацца каля 200 гадоў, а аскепкі шкла праляжаць больш за 1000 гадоў. 1 тона перапрацаванай паперы гэта 17 выратаваных ад высечкі дрэў. Хай для кагосьці гэта і мала, але ўсе разам мы можам выратаваць цэлы лес. У канцы сустрэчы хлопчыкі і дзяўчынкі паглядзелі мультфільм «Як смецце знішчыла свет» пра нярадасныя перспектывы існавання людзей на планеце Зямля.

Хто ў нас зімуе

24 лістапада ў бібліятэцы №7 прайшла інфарміна «Хто ў нас зімуе» для клуба «Чытайка». Дзеці ўспомнілі птушак,якія зімуюць, даведаліся іх асаблівасці паводзін, пражывання і ролі чалавека ў жыцці птушак. Бібліятэкар распавяла, з якой прычыны адны птушкі ляцяць на поўдзень, а іншыя могуць застацца і чым мы можам ім тут дапамагчы. Рабяты адгадвалі загадкі, распавядалі цікавыя факты пра птушак, разгадвалі філворды, паглядзелі мультфільм «Зязюля і шпак».

Подзвіг твой гісторыя захоўвае

24 лістапада навучэнцы 8 «Б» класа сярэдняй школы № 26 разам з супрацоўнікамі бібліятэкі № 10 адправіліся на экскурсію да мемарыяльнага знаку Ф.П. Кірычэнка, які ўсталяваны ў 2017 годзе на тэрыторыі гімназіі № 9. Рабяты пазнаёміліся з біяграфіяй старшага лейтэнанта, начальніка 4-й заставы 86-га Аўгустоўскага памежнага атрада Феадосія Пятровіча Кірычэнка. Бібліятэкар расказала пра подзвіг героя-пагранічніка, які змог абараняць заставу ад нямецка-фашысцкіх захопнікаў на працягу 10 гадзін, выбраўшы правільную тактыку абароны. Нягледзячы на відавочную перавагу сіл праціўніка, абаронцы мяжы трымаліся да апошняга патрона, яны стаялі насмерць. 22 чэрвеня 1941 года начальнік заставы і ўвесь асабісты склад загінулі. У 2003 годзе імя Феадосія Пятровіча Кірычэнка прысвоена 2-ой пагранічнай заставе Гродзенскай пагранічнай групы, а на тым месцы, дзе знаходзілася знішчаная ў гады вайны застава, быў створаны мемарыяльны комплекс.

Жывая кніга. «Зайчык Сева ідзе на дзень нараджэння»

Карысныя казкі выхоўваюць дзіця без крыку і пакаранняў! Кніга Асі Герман «Зайчык Сева ідзе на дзень нараджэння!» прадстаўлена ў лёгкай і даступнай форме. Займальная гісторыя зайчыка Севы растлумачыць дзіцяці, як не трэба паводзіць сябе на Дні нараджэння сяброў. Севу запрасіла на дзень нараджэння мышка Маша. Але было так весела, што Сева забыўся падарыць падарунак ... а што здарылася далей, вы даведаецеся з казкі, павучальнай і карыснай. Слухаем і глядзім разам з праектам «Жывая кніга» бібліятэкі № 10. 

Нашай гісторыі радкі

23 лістапада ў бібліятэцы № 2 для членаў клуба «3 Д: для дома, душы і вольнага часу» прайшла краязнаўчая гадзіна «Гэта нашай гісторыі радкі». Кандыдат гістарычных навук, дацэнт ГрДу імя Я. Купалы, аўтар шматлікіх артыкулаў і некалькіх кніг Уладзімір Яўгенавіч Лявшук распавёў аб сваім кар'ерным шляху ў краязнаўчай рабоце, аб праведзеных даследаваннях. Асвятліў гісторыю ордэна езуітаў і факты з біяграфіі яго заснавальніка Ігната Лаёлы. Апісаў яго дзейнасць у Гродна і адлюстраванне яго духа ў архітэктуры Кафедральнага сабора Святога Францішка Ксаверыя. Параўнаў архітэктуру касцёла з архітэктурай іншых, нагадаў адметныя прыкметы стыляў готыкі, барока. У выкананні вакальнай групы «Жывіца» гучалі душэўныя песні аб нашым горадзе.

Паэзія жаночай душы

«Паэзія жаночай душы» — так называлася літаратурная гадзіна, прысвечаная выдатнай паэтцы Ганне Ахматавай, які правялі 23 лістапада ў Гродзенскай гарадской бібліятэцы імя А. Макаёнка. Да мерапрыемства была арганізавана выстава «А я кажу, верагодна, за многіх...», на якой былі прадстаўлены кнігі і выданні, якія апавядаюць пра біяграфію паэа, успаміны сучаснікаў пра Ганну Андрэеўну, яе аўтабіяграфія і паэтычныя зборнікі, а на століку ля выставы, пакрытым ажурнай шаллю, у старадаўнім падсвечніку гарэлі свечкі. У ходзе мерапрыемства прагучаў аповед пра старонкі жыцця выбітнай паэткі, зачытваліся выказванні, успаміны сучаснікаў і вершы, прысвечаныя Ганне Андрэеўне. Аповед суправаджаўся паказам слайд-шоў. Аматары творчасці Ахматавай таксама чыталі свае любімыя вершы паэткі.

Дадатковая інфармацыя