Падзеі і мерапрыествы ў бібліятэках да Года міру і стваральнай працы

 

Цыкл выстаў

 

У бібліятэцы №1 дзейнічае выстава літаратуры «Беларусь шматканфесійная», на якой прадстаўлены выданні аб праваслаўных і каталіцкіх храмах Беларусі, пратэстанцкіх арганізацыях, іўдзейскіх рэлігійных аб’яднаннях і мусульманскіх супольнасцях. Выстава будзе карысная ўсім, хто цікавіцца культурай, архітэктурай, духоўным жыццём нашай краіны.

 

 

 

 

 

 

 

 

 

 

 

У бібліятэцы №2 арганізавана выстава «Беларусь архітэктурная». У раздзеле «Разнастайнасць стыляў і фарбаў» змешчана літаратура аб фарміраванні і развіцці архітэктуры са старажытных часоў да нашых дзён, аб самабытных школах дойлідства, сучасных напрамках у будаўніцтве. Раздзел «Сведкі гістарычнай славы» ўключае выданні пра беларускія замкі. Раздзел «Сховішчы стваральнай веры» знаёміць з унікальнай храмавай архітэктурай Беларусі.

 

 

 

 

 

 

У бібліятэцы №3 – выстава «Беларусь літаратурная». У разделе «Міфалогія роднага краю» прадстаўлены выданні пра міфы беларусаў. Раздзел «Легенды, казкі, паданні» знаёміць з беларускім фальклорам. У раздзеле «Апекуны зямнога жыцця» змешчана літаратура пра язычніцкую спадчыну беларусаў. Раздзел «Міфалогія і беларуская літаратура» ўключае мастацкія творы пра багоў, духаў гаспадаркі і прыроды. Дапаўняюць выставу лялькі ручной працы майстроў клуба «Гродзенская лялька» – Бялун, Жыжаль, Лада, Вялес, Талака, Зюзя.

 

 

 

 

 

 

У бібліятэцы № 4 дзейнічае выстава літаратуры «Беларусь тэатральная». На выставе змешчаны кнігі аб гісторыі беларускага тэатральнага мастацтва, артыкулы з перыядычных выданняў пра рэпертуар і артыстаў тэатра. Асобнае месца адводзіцца выданням пра Гродзенскі абласны драматычны тэатр і Гродзенскі абласны тэатр лялек.

 

 

 

 

 

 

 

 

 

 

 

У бібліятэцы №5 арганізавана выстава «Мастацтва ткацтва». Прадстаўлена інфармацыя пра элементы нематэрыяльнай культурнай спадчыны Гродзеншчыны, уключаныя ў Дзяржаўны спіс гісторыка-культурных каштоўнасцей Рэспублікі Беларусь. Творчасць майстра па вырабе габеленаў у традыцыях падвойнага і пераборнага аднабаковага ткацтва Алены Шунейка з Гродна, традыцыйная тэхналогія ткацтва падвойных дываноў в. Гудзевічы Мастоўскага раёна, традыцыя простага двухнітовага ткацтва Ваўкавыскага раёна, традыцыйныя ткацкія тэхнікі вырабу шматколерных дываноў аг. Пагародна Воранаўскага раёна,  белаўзорыстае ткацтва Панямоння (г. Ліда) – для ўсіх, хто цікавіцца беларускай традыцыйнай культурай.

 

У бібліятэцы №6 аформлена выстава літаратуры «Беларусь спартыўная». Раздзел «Складнікі нацыянальных перамог» знаёміць з кнігамі аб гісторыі і развіцці папулярных відаў айчыннага спорту, аб дасягненнях выбітных беларускіх спартсменаў, якія прадстаўляюць краіну на сусветнай арэне. Раздзел «Зоркі гродзенскага спорту» расказвае пра выдатных спартсменаў Гродзеншчыны – прызёраў Алімпійскіх гульняў, чэмпіёнаў свету і Еўропы, тых, хто сваімі дасягненнямі годна прадставіў рэспубліку на найбуйнейшых спаборніцтвах.

 

 

 

 

 

 

 

 

 

 

 

 

 

У бібліятэцы №7 экспануецца выстава «Беларусь кінематаграфічная», на якой прадстаўлены кнігі па гісторыі кінематографа ў Беларусі, матэрыялы пра кіназдымкі ў Гродне, творы беларускіх і замежных аўтараў, па матывах якіх знятыя фільмы на кінастудыі «Беларусьфільм».

 

 

 

 

 

 

 

 

 

 

 

 

 

 

У бібліятэцы №8 дзейнічае выстава «Сімвалы міру – сімвалы Беларусі». Выстава ўключае выданні аб прыродных сімвалах Беларусі. Першы раздзел «Кветка Радзімы» прысвечаны васільку – кветцы, якая ўвасабляе беларускі народ: сціплы, прыязны і гасцінны. Другі раздзел «Гаспадар пушчы» расказвае пра зубра – жывёлу, якая ўвасабляе сілу і стойкасць беларускага народа. Раздзел «Птушка дабрабыту» знаёміць з буслам – птушкай, якая стала сімвалам нацыянальнай чысціні і адраджэння беларусаў.

 

 

 

 

 

У бібліятэцы №9 арганізавана выстава літаратуры «Беларусь запаведная». На выставе прадстаўлена інфармацыя пра ахоўныя прыродныя зоны рэспубліканскага значэння з унікальнымі, эталоннымі аб’ектамі, якія нясуць у сабе экалагічнае, навуковае і эстэтычнае значэнне. Экспазіцыя складаецца з дзвюх частак. Раздзел «У святасці некранутай прыроды» знаёміць з Белавежскай пушчай, Бярэзінскім запаведнікам, нацыянальнымі паркамі «Нарачанскі» і «Браслаўскія азёры», іншымі помнікамі прыроды. Раздзел «Унікальны свет флоры і фаўны» паказвае разнастайнасць жывёльнага і расліннага свету Беларусі. Выданні расказваюць пра дзікіх жывёл, птушак і рыб, кветкі, травы і дрэвы ў запаведніках і заказніках.

 

 

У бібліятэцы №10 аформлена выстава «Беларусь этнаграфічная». Прадстаўленая літаратура знаёміць з народнай культурай нашай краіны, этнаграфічнай спадчынай, з відамі дэкаратыўна-прыкладнога мастацтва, уключанымі ў спіс нематэрыяльнай культурнай спадчыны ЮНЕСКА – Сожская скань, слуцкія паясы, саломапляценне.

 

 

У аддзеле абслугоўвання дзяцей ГЦБ імя А.Макаёнка дзейнічае выстава літаратуры «Мір адзін на ўсіх». Яна складаецца з трох раздзелаў, назвы якіх гучаць, як думкі маленькага хлопчыка, які жыве на беларускай зямлі і любіць сваю Радзіму. На выставе прадстаўлены кнігі аб гісторыі краіны, архітэктурных помніках, унікальнай прыродзе Беларусі, легенды і паданні, літаратура пра  сяброўскія адносіны  з іншымі краінамі.

 

 

 

 

 

 

 

 

 

 

 

 

 

 

У аддзеле абслугоўвання і інфармацыі ГЦБ імя А. Макаёнка экспануецца выстава «Беларусь – краіна міру і стваральнай працы». Раздзел «Беларусь прамысловая» адлюстроўвае вынікі развіцця прадпрыемстваў за апошнія гады, расказвае аб лепшых супрацоўніках прадпрыемстваў і арганізацый Беларусі, аб найбольш эфектыўных прадпрыемствах і кампаніях Гродзенскай вобласці. У раздзеле «Беларусь навукавая» сабраны выданні аб дасягненнях і дзеячах беларускай навукі. Раздзел «Беларусь творчая» расказвае аб фальклорных традыцыях, развіцці сучаснага мастацтва, спартыўных перамогах беларусаў.