У перыяд 1982–2006 гг. загадвала бібліятэкай Халько Марыя Уладзіміраўна. У 1993 годзе ёю быў створаны клуб аматараў чытання і мастацтва "Сябрына", які збіраў на мерапрыемствы пераважна ветэранаў працы, інвалідаў, якія жылі ў мікрараёне абслугоўвання бібліятэкі. У 2006–2012 гг. бібліятэку ўзначальвала Расіцан Кацярына Раманаўна.

У 2017 годзе фонд бібліятэкі-філіяла №1 складае более 30 тысяч асобнікаў дакументаў. Штогод ім карыстаюцца больш за 3 тысячы чытачоў. З 2010 года бібліятэка пачала аказваць паслугі, звязаныя з кампутарнымі тэхналогіямі. Прыярытэтным напрамкам масава-інфармацыйнай дзейнасці з'яўляецца папулярызацыя беларускай літаратуры, нацыянальных традыцый, культуры. Гасцямі мерапрыемстваў у бібліятэцы былі паэты Людміла Кебіч, Людміла Цыхун, Лідзія Пронічава, Юрка Голуб, юныя творцы з літаратурнага аб'яднання «Наднёманскія галасы" Гродзенскага дзяржаўнага ўніверсітэта імя Янкі Купалы і інш.