Вучымся беражлівасці

11 сакавіка ў бібліятэцы №7 прайшла пазнавальная гадзіна «Вучымся эканоміі і беражлівасці». Навучэнцы 3 «А» класа школы №7 даведаліся пра тое, як вада важна ў жыцці ўсяго жывога на нашай планеце. Пазнаёміліся з правіламі эканоміі вады. А віктарына, гульні і прагляд мультфільма па тэме дапамаглі замацаваць веды.

 

Музыка – маё жыццё

11 сакавіка ў аддзел абслугоўвання дзяцей ГЦБ імяА. Макаёнка прыйшлі выхаванцы дзіцячага сада №35, каб здзейсніць падарожжа па творчасці вядомага гродзенскага кампазітара, музыканта, паэта, таленавітага педагога, стваральніка і кіраўніка фальклорнага ансамбля «Гарадзенскіядударыкі» Яўгена Канстанцінавіча Петрашэвіча. Сёлета яму споўнілася б 90 гадоў. Бібліятэкар пазнаёміла малых з біяграфіяй Яўгена Канстанцінавіча, яго захапленнямі. Сваімі ўспамінамі аб музыцыпадзялілася Л.Л. Хацько, адміністратар народнага музея УА «Гродзенскага дзяржаўнага прафесійна - тэхнічнага каледжа бытавога абслугоўвання насельніцтва», у якім ёсць пакой, прысвечаны творчасці Я.К. Петрашэвіч. Загадчыца дзіцячага сада А.С. Жэгала ўспомніла свае заняткі музыкай з Яўгенам Канстанцінавічам.

 Самыя маленькія госці бібліятэкі спявалі песні, чыталі вершы Яўгена Канстанцінавіча, танцавалі, сыгралі на інструментах вядомы «Марш» Петрашэвіча. А яшчэ прынеслі з сабой у бібліятэку кніжкі-малышкіна вершы паэта, зробленыя разам з бацькамі. Больш за гадзіну ў бібліятэцы гучала вясёлая музыка і дзіцячыя галасы. Напрыканцы мерапрыемства ўшанавалі памяць Яўгена Канстанцінавіча Петрашэвічахвілінай маўчання.

Галоўны закон нашага жыцця

10 сакавіка ў бібліятэцы № 5 прайшла гадзіна інфармацыі «Галоўны закон нашага жыцця». Навучэнцы 8 «Б» класа гімназіі № 10 даведаліся пра тое, калі была прынятая першая Канстытуцыя і колькі Канстытуцый дзейнічала за ўсю гісторыю нашай краіны. Маладыя людзі актыўна абмяркоўвалі прапанаваныя сітуацыі на тэму «Правы і абавязкі». Завяршылася сустрэча праглядам відэароліка з наступным абмеркаваннем.

 

Вясенні букет

9 сакавіка ўдзельнікі клуба «Знайка» наведалі творчую майстэрню ў бібліятэцы №7, прысвечаную першаму вясноваму святу. Школьнікі падрыхтавалі віншавальныя паштоўкі для мам! Бо лепш падарунка, зробленага ўласнымі рукамі з дабрынёй і цеплынёй, не знайсці.

 

Як вада жывая мама нам патрэбна

9 сакавіка ўдзельнікі клуба «Святляк» сабраліся ў бібліятэцы № 8, каб пагаварыць пра мам. Бо напярэдадні прайшоў Дзень жанчын. У праграму святочнага пасяджэння былі ўключаны гульні, віктарыны, інтэлектуальныя спаборніцтвы, выступленні хлопчыкаў з віншаваннямі для дзяўчынак. Спрыт, уменні і знаходлівасць дзяўчынкі праявілі ў конкурсах – танец з шарам і ў віктарыне «8 сакавіка для дзяўчынак». Напрыканцы мерапрыемства праспявалі караоке «Песенька пра маму»

Свет выдатны

9 сакавіка супрацоўнікі бібліятэкі № 3 правялі гульнявую праграму для вучняў 3 «Б» класа СШ № 37 «Свет выдатны ўжо таму, што ў ім ёсць мама». Школьнікі адказалі на пытанні віктарыны, у каманднай гульне паспаборнічалі ў гульні на складванне пазла, адказвалі на пытанні тэлеграмы, адгадвалі кухонныя загадкі і паўдзельнічалі ў конкурсе – гульне «хахатушкі».

Дадатковая інфармацыя