Лісяня і іншыя зверы

25 кастрычніка бібліятэкар аддзела абслугоўвання дзяцей ГЦБ ім. А. Макаёнка наведала дзіцячы сад №35. І не з пустымі рукамі, а з пазнавальнай кнігай Фрыдэруна Райхенштэтэра і Ханса-Гюнтэра Дзёрынга, «Лісяня і іншыя зверы ў лесе». Гэтая маляўнічая кніжка распавядае дзецям, як лісічка жыве і расце, чым адрозніваецца ад іншых лясных звяроў. Хлопчыкі і дзяўчынкі атрымалі самыя першыя цікавыя звесткі пра жывых істот, якія насяляюць побач з людзьмі.

 

У свеце жывёл – 2

25 кастрычніка ў бібліятэцы №1 прайшоў экалагічны турнір «У свеце жывёл» для вучняў 5 «Г» СШ №18. Дзеці дружна адказвалі на складаныя пытанні віктарыны, адгадвалі загадкі, называлі жывёл з Чырвонай кнігі. Турнір дазволіў дзецям праявіць свае веды, уменне лагічна думаць і працаваць у камандзе

 

Правілы здаровага жыцця

25 кастрычніка ў бібліятэку №7 прыйшлі другакласнікі СШ №7 на гадзіну здароўя. З дапамогай чароўнага компаса падарожнічалі па планеце здароўя ад літары да літары, якія складаюць гэтае слова. Успомнілі пра карысць зарадкі і паказалі любімыя практыкаванні са скакалкай і гантэлямі. Казалі пра карысць вітамінаў, складалі карыснае меню школьніка, пагулялі ў гульню «Сіла ведаў». І ў канцы занятку бібліятэкар пачаставала ўсіх вітамінкай-аскарбінкай.

 

Хіт-парад дзікай прыроды

24 кастрычніка ў дзіцячай бібліятэцы №6 члены клуба «Пралеска» сустрэліся на чарговым пасяджэнні «Хіт-парад дзікай прыроды». Школьнікі даведаліся пра дзікіх жывёл нашага краю, іх ладзе жыцця, харчаванні, жыллі, пра тое, як яны рыхтуюцца да зімы. Выклікаць у дзяцей непадробную цікавасць да свету жывой прыроды дазволілі ўдзел у віктарыне «Дзіўныя жывёлы» і конкурсах «Знайдзі мой след», «Пацешная вавёрачка».

Лясныя таямніцы

24 кастрычніка навучэнцы 3 класа гімназіі №5 здзейснілі падарожжа ў таямнічы свет прыроды пісьменніка-натураліста Віталя Біянкі. Школьнікі паглядзелі фільм-прэзентацыю пра жыццё Віталя Валянцінавіча, якому сёлета споўнілася б 125 гадоў, пазнаёміліся з творчасцю пісьменніка. Па творах натураліста была праведзена відеавіктарына «Хто лішні?». Усе разам шанавалі і абмеркавалі апавяданні «Лясныя домікі» і «Першая паляванне», пазнаёміліся з «Лясной газетай» – настольным календаром прыроды. Змагаліся ў трапнасці адказаў на пытанні з жыцця лесу ў гульні «Тыр», якая складаецца з 12 спаборніцтваў-віктарын. Напрыканцы мерапрыемства з вялікім задавальненнем паглядзелі мультфільм «Ружовае рыльца» па аднайменнай казцы Біянкі.

 

Віртуальная агрэсія

24 кастрычніка ў бібліятэцы № 2 для вучняў 10 класа СШ № 11 прайшоў урок-папярэджанне «Віртуальная агрэсія: ўплыў СМІ на моладзь». Псіхолаг аддзела грамадскага здароўя Гродзенскага занальнага ЦГЭ Надзея Шаманкова распавядала аб уздзеянні тэлебачання, прэсы, сеткі Інтэрнэт на лад жыцця падлетка, яго паводзіны і звычкі, прывяла прыклады пазітыўнага і негатыўнага ўплыву розных крыніц інфармацыі. Патлумачыла прычыны кампутарнай залежнасці і паказала комплекс практыкаванняў для ўмацавання цягліц спіны і вачэй. У завяршэнне мерапрыемства навучэнцы адказалі на пытанні міні-тэсту «Веру – не веру» і паглядзелі відэаролік «Карысць і шкода СМІ».

Дадатковая інфармацыя