Сімвал Радзімы – гонар нацыі

У дзіцячай бібліятэцы № 5 да Дня Дзяржаўнага герба і Дзяржаўнага сцяга Рэспублікі Беларусь, які адзначаецца 10 мая,  аформлена выстава «Сімвалы Радзімы – гонар нацыі». Дзяржаўныя сімвалы – герб і сцяг Беларусі – гэта гісторыя і будучыня беларускай дзяржавы, увасабленне ідэі нацыянальнага адзінства, важнейшыя атрыбуты суверэнітэту і незалежнасці Айчыны.Пра гэта яшчэ больш вы можаце даведацца з выданняў прадстаўленых на выставе. Яны знаёмяць з дзяржаўнымі сімваламі Беларусі, значэннем іх асобных элементаў, утрымліваюць яркія ілюстрацыі і вершы. Матэрыялы выставы спрыяюць фарміраванню паважлівага стаўлення да дзяржаўнай сімволікі, выхоўваюць пачуццё патрыятызму і гонару за родную краіну.   

 

Мы – героі кніг і кіно

У бібліятэцы №3 у музейным пакоі «Лялечны дом» праходзіць выстава кніг і лялек ручной працы «Мы героі кніг і кіно». Наведвальнікі змогуць убачыць на ёй персанажаў з вядомай казкі Люіса Кэрала «Аліса ў краіне цудаў»: Чэшырскага Ката, Белую каралеву, Вар'яцкага Капялюшніка, Сіняга вусеня, Сакавіцкага зайца і іншых. Прадстаўлены кнігі пісьменніка і каляндар з фотаілюстрацый лялек фатографа Ірыны Яздан-Мехр.

 

Чытаем дзецям пра вайну – 2020

Вось ужо ў адзінаццаты раз напярэдадні 9 Мая бібліятэкі па ўсім свеце падхапілі міжнародную акцыю «Чытаем дзецям пра вайну». 6 мая бібліятэкі Гродна далучыліся да акцыі. Асноўная яе ідэя –чытанне ўслых твораў пра драматычныя эпізодывайны дзецям ва ўзросце ад 5 да 14 гадоў. Чытанні прайшлі ў online-рэжыме на працягу ўсяго дня. Зваротыда юныхслухачоўтрансляваліся з дапамогай сацыяльных сетак. У год 75-годдзя Вялікай Перамогі бібліятэкары стараліся напоўніць Інтэрнэт-прастору важным і патрэбным кантэнтам, накіраваным на выхаванне грамадзянскасці і патрыятызму ў дзяцей і падлеткаў на прыкладзе лепшых узораў дзіцячай літаратуры аб Вялікай Айчыннай вайне. Прагучалі ўрыўкі з «Аповесці пра сапраўднага чалавека» Барыса Палявога і кніг Сяргея Аляксеева, апавяданні «Страшны дзень» са зборніка «Ніколі не забудзем», «Сямнаццатай вясной» Івана Навуменкі, «Мех аўсянкі» Анатоля Міцяева, вершы дзіцячага паэта Віктара Кудлачова, навэла Фрэнка Павлоффа «Карычневаяраніца» і інш. Спасылкі на відэа міжнароднай онлайн-акцыі "Чытаем дзецям пра вайну", якая прайшла 6 мая 2020 года, прыведзены ніжэй.

Бібліятэка-філіял №5: https://www.youtube.com/watch?v=kZDfW-O-Sxo&feature=emb_logo С. Аляксеяў «Ад Масквы да Берліна»

Аддзел абслугоўвання і інфармацыі Гродзенскай гарадской цэнтральнай бібліятэкі імя Андрэя Макаёнка: https://www.youtube.com/watch?v=YZWDVTLTm8I  І.Навуменка «Семнаццатай вясной»

Аддзел абслугоўвання дзяцей Гродзенскай гарадской цэнтральнай бібліятэкі імя Андрэя Макаёнка: https://www.youtube.com/watch?v=P-It3yfFPaw Ф.Паўлафф «Рудая раніца»

Бібліятэка-філіял №4: https://www.youtube.com/watch?v=riaGRHR2T-o Аповед «Страшны дзень» са зб. «Ніколі не забудзем»

Бібліятэка-філіял №6: https://www.youtube.com/watch?v=lIpPQN-BJmk В.С. Кудлачоў «Вайна вачамі дзіцяці»

Бібліятэка-філіял №10: https://www.youtube.com/watch?v=DI4mY_Sp9Gg&feature=youtu.be А.Міцяеў «Мех аўсянкі»

Бібліятэка-філіял №2: https://www.youtube.com/watch?v=pUGnztzp5Qc&feature=youtu.be&fbclid=IwAR1uk-wenoMl9L3Pv9H6SxTxh7RvWEvaxgqjMEv8p8OTgQf9fVL-hp6rCOY . Б. Палявы «Аповесць пра сапраўднага чалавека» (урывак)

Бібліятэка-філіял №8: https://www.youtube.com/watch?v=277gcxSoZw4 А.Міцяеў «Завушніцы для асла»

Бібліятэка-філіял №7: https://www.youtube.com/watch?v=R07-pnkJ7EI С. Аляксееў «Мутэн»

 

 

Аляксей Карпюк. Фоталетапіс жыцця

14 красавіка споўнілася 100 гадоў са дня нараджэння Аляксея Нічыпаравіча Карпюка. Аляксей Нічыпаравіч – гонар горада Гродна, знакаміты ўраджэнец Прынямоння, беларускі пісьменнік і грамадзянскі дзеяч. Кнігі Карпюка любіць і чытае не адно пакаленне. Але напярэдадні 75-годдзя Перамогі ў Вялікай Айчыннай вайне трэба ўспомніць эпізоды з яго франтавой біяграфіі. У пачатку Вялікай Айчыннай вайны ён уваходзіў у падпольную дыверсійную групу. Быў арыштаваны падчас адной з акцый на чыгунцы ў канцы 1942 года і адпраўлены ў канцлагер Штутгоф. Цудам яму ўдалося збегчы восенню 1943 года. Трапіў у партызанскі атрад, у 1944 году Карпюк – камандзір партызанскага атрада імя Кастуся Каліноўскага. У 1944-1945 гг. ваяваў на тэрыторыі Польшчы і Германіі. У траўні 1945 года – наводчык артылерыйскай прылады 756-га стралковага палка 150-й стралковай дывізіі. Двойчы быў паранены. З вайны прыйшоў без правага лёгкага і чатырох рэбраў. Да дня нараджэння пісьменніка ў бібліятэцы №9 адкрылася выстава «Аляксей Карпюк. Фоталетапіс жыцця». Угледзьцеся ў гэтую фатаграфію – канец красавіка 1945 года. Берлін. Пазнаёце? Аляксей Карпюк справа.

Нагадаем, што 14 красавіка 2020 года дзень нараджэння пісьменніка А. Н. Карпюка , з нагоды гэтага ўнас на сайце адкрыўся электронны музей яго жыцця і творчасці. Запрашаем наведаць яго па спасылцы «Музей жыцця і творчасці Аляксея Карпюка».

Ведаем! Помнім! Шануем!

З канца красавіка ў дзіцячай бібліятэцы №6 адкрылася экспазіцыя работ навучэнцаў Дзяржаўнай установы адукацыі «Дзіцячая мастацкая школа мастацтваў г. Гродна» «Ведаем! Помнім! Шануем!». Юныя таленты пастараліся расказаць пра Вялікую Айчынную вайну з дапамогай сваёй творчасці. На дзіцячых работах можна ўбачыць самыя розныя сюжэты – развітанне салдата з сям'ёй перад сыходам на фронт, баявыя дзеянні на палях бітваў, і, вядома, вялікі Дзень Перамогі. Малюнкі дзяцей адлюстроўваюць гонар за нашых воінаў, адважна ваяваўшых за нашу Родную зямлю, і памяць пра тых, хто не вярнуўся з фронту. Выстава будзе працаваць да канца года.

 

Дарогі вайны – дарогі Перамогі

Да 75-годдзя Вялікай Перамогі ў бібліятэцы № 7 арганізавана выстава «Дарогі вайны – дарогі Перамогі». Увазе юных чытачоў прадстаўлена літаратура аб ходзе Вялікай Айчыннай вайны, пра падзеі ваенных гадоў на Гарадзеншчыне, падабрана мастацкая літаратура пра гераізм, мужнасць і стойкасць савецкіх людзей, пра лёсы дзяцей у тыя страшныя часы. «Аб мінулай вайне неабходна ведаць усё. Трэба ведаць і чым яна была, з якім бязмерным душэўным цяжарам былі звязаны для нас дні адступленняў і паражэнняў, і якім невымоўным шчасцем была Перамога. Трэба ведаць і пра тое, якіх ахвяраў нам каштавала вайна, якія разбурэння яна прынесла, пакінуўшы раны і на целе зямлі, і ў душах людзей», – пісаў франтавік, пісьменнік К. Сіманаў. Выстава дапаможа юным чытачам і іх бацькам захаваць памяць аб тых страшных гадах.

 

Дадатковая інфармацыя