У гасцях у каралевы Кнігі

4 верасня ў бібліятэцы № 7 прайшла экскурсія «У гасцях у Каралевы Кнігі» для новага складу клуба «Чытайка». Першакласнікі знаёміліся з правіламі карыстання бібліятэкай, з гісторыяй клуба, яго задачамі і мэтамі. Выбралі Савет клуба, абмеркавалі план працы і час правядзення мерапрыемстваў. Кожны новы сябра літаратурнай клуба «Чытайка» абавязаўся стаць чытачом бібліятэкі.

 

Хатнія грызуны

Выбіраючы хатняга гадаванца варта адразу разумець колькі часу вы зможаце яму надаваць, так як яны патрабуюць сыходу, клопату і ўвагі. Таму цяпер усё часцей выбар падае ў бок грызуноў: хамякоў, пацукоў, марскіх свінак і іншых, так як у сваім сыходзе яны патрабуюць менш часавых і фінансавых выдаткаў, чым кошкі і сабакі. Прапануем вам паглядзець відэа пра сяброў нашых меншых, падрыхтаванае супрацоўнікамі аддзела абслугоўвання дзяцей ГЦБ імя А.Макаёнка.

Прыгоды Мышкі

У першую нядзелю верасня ў нашай краіне адзначаецца Дзень беларускага пісьменства. Супрацоўнікі аддзела абслугоўвання дзяцей ГЦБ імя А.Макаёнка вырашылі адзначыць гэтую дату і адправіліся 4 верасня да выхаванцаў дзіцячага садка №35. Бібліятэкары прадэманстравалі малышам прыгажосць роднай мовы, прачытаўшы казку Ю. Кузняцовай «Першае падарожжа Мышкі». Дашкалятам вельмі спадабаліся незвычайныя прыгоды каровы Мышкі і яе сябра – голуба Дока.

 

Вярніце мяне ў кніжку!

4 верасня бібліятэкары аддзела абслугоўвання дзяцей ГЦБ імя А. Макаёнка сустрэліся з хлопчыкамі і дзяўчынкамі з дзіцячага садка № 30. Вельмі хутка ўсё бібліятэкі краіны будуць адзначаць сваё прафесійнае свята – Дзень бібліятэк Рэспублікі Беларусь. Адзначаецца ён 15 верасня, бо менавіта ў гэты дзень была заснавана Нацыянальная бібліятэка Беларусі. Таму і кнігу для чытання выбралі незвычайную. Французскі пісьменнік Цьеры Роберэхт злажыў гісторыю пра грознага і страшнага ваўка, які жыве ў казцы. Але аднойчы хатні кот Пушок губляе кнігу, воўк з яе выпадае і не можа вярнуцца ў родны лес. А колькі небяспекі тоіць у сабе шпацыр па кніжных паліцах! Казка «Вярніце мяне ў кніжку!» падыходзіць для дзяцей дашкольнага ўзросту і тым, хто толькі вучыцца чытаць.

Чытаем з густам. Андрэй Павач

Праект «Чытаем з густам» працягвае знаёміць вас з літаратурнай кухняй. Сёння Зінаіда Крылова чытае ўрывак з «Гродзенскіх гісторый» Андрэя Павача. Вы зможаце зазірнуць на кухню гродзенцаў 19 стагоддзя і даведацца, якія стравы падавалі на стол у палацы магната, у дамах шляхты і ў вольных людзей. І, як заўсёды, рэцэпт стравы, згаданы ў кнізе. А ў якасці відэапарады прапаноўваем вам прыгатаваць курыцу, запечаную ў цесце. Увага: нашча не слухаць!

 

Дарога да беларускага слова

Інфармацыйная гадзіна да 530-годдзя асветніка і першадрукара Францыска Скарыны «Дарога да беларускага слова» прайшла 3 верасня для наведвальнікаў клуба «Калейдаскоп» пры бібліятэцы №4. Беларуская пісьменнасць мае шматвяковыя традыцыі. Супрацоўнікі бібліятэкі распавялі пра ўсходнеславянскага асветніка, першадрукара Францыска Скарыну. Дзякуючы яму у 1517 годзе беларусы атрымалі друкаваную Біблію на роднай мове. Члены клуба пазнаёміліся з літаратурай пра вялікага земляка і паглядзелі дакументальны фільм пра Скарыну.

Дадатковая інфармацыя