Ведай і любі родную мову

6 верасня выхаванцы дзіцячага сада №105 пабывалі ў гасцях бібліятэкі №10, дзе прайшоў пазнавальная гадзіна «Любі, шануй, ведай родную мову». Дзеці пазнаёміліся з гісторыяй кнігадрукавання ў Беларусі, з кнігамі сучасных аўтараў н ароднай мове, пагулялі ў гульні «Мышкі і кніжкі», «Пакажы як ...», успомнілі, як паводзіць сябе з кнігай і змайстравалі прыгожыя кніжныя закладкі.

 

Трое з Прастаквашына

3 верасня ў бібліятэцы № 5 вучняў дапаможнай школы №1 г. Гродна пазнаёмілі з вядомым творам Эдуарда Успенскага «Дзядзька Фёдар, пёс і кот». Школьнікі здзейснілі займальнае падарожжа па старонках кнігі, пазнаёміліся з яе галоўнымі героямі і іх прыгодамі, даведаліся пра іншыя выданні з серыі «Прастаквашына». Мерапрыемства завяршылася праглядам мультфільма «Трое з Прастаквашына».

 

Урокі Другой сусветнай

3 верасня ў Гродзенскай гарадской бібліятэцы імя А. Макаёнка прайшла сустрэча, прысвечаная 76-годдзю заканчэння Другой сусветнай вайны. У ходзе мерапрыемства выступіў Шымко Пётр Пятровіч, член Гродзенскага аддзялення рэгіянальнай грамадскай арганізацыі «Рускае таварыства» і рэгіянальнай грамадскай арганізацыі «Камчацкі Саюз Беларускага і Вялікарускага народаў». Увазе слухачоў былі паказаны відэаролік і фотаздымкі з асабістага архіву дакладчыка.

 

Як мышы ў паход хадзілі

3 верасня супрацоўнікі аддзела абслугоўвання дзяцей Гродзенскай гарадской цэнтральнай бібліятэкі імя А. Макаёнка адправілася ў госці да выхаванцаў Дашкольнага цэнтра развіцця дзіцяці № 30. Дзеці кожны тыдзень з нецярпеннем чакаюць новую казку, новую гісторыю. У гэты раз для гучнага чытання была абраная кніга «Як мышы ў паход хадзілі». Гэтую «вельмі страшную гісторыю» сачыніла вядомая французская пісьменніца Каралін Рок. Пачвары бываюць розныя. Вось адной мышынай сям'і прыйшлося сустрэцца з НАложкавай пачварай – яна сапцела, пыхкала і варушылася пад коўдрай. А аднаму маленькаму шчанюку – з не менш жахлівым ПАДложкамай пачварай – яна скрэбла, пішчала і гучала пад ложкам ... Маленькія слухачы здолелі здагадацца, што ж так напалохала чароўных герояў гэтай кнігі.

Летнія прыгоды-чытанні

Штогод у бібліятэцы № 10 у канцы лета падводзяць вынікі конкурсу для дзяцей «Летние приклюЧтения», вызначацца лепшыя чытачы. У гэтым годзе, як заўсёды, было шмат актыўных і дапытлівых аматараў кнігі, але па выніках конкурсу лепшымі сталі браты Квяткоўскія Міхаіл і Мікіта. Супрацоўнікі бібліятэкі падарылі дзецям новыя цікавыя кнігі і прысмакі.

 

Сустрэча з Ганнай Скаржынскай

2 верасня ў бібліятэцы № 7 адбылася сустрэча з членам Саюза пісьменнікаў Беларусі, дзіцячай пісьменніцай А. І. Скаржынскай-Савіцкай. Ганна Іосіфаўна распавяла вучням 4 «Г» класа СШ №7 пра сябе, пачытала новыя творы. Дзеці адгадвалі аўтарскія загадкі на рускай і беларускай мовах, адбылася аўтограф-сесія.

 
 

Дадатковая інфармацыя