Свет бязмежных магчымасцяў

На вечар «Свет бязмежных магчымасцяў» былі запрошаны 23 лістапада члены клуба «Калейдаскоп» у бібліятэку №4. Міжнародны дзень інвалідаў штогод адзначаецца 3 снежня. Гэты дзень накіраваны на прыцягненне ўвагі да праблем людзей з абмежаваннямі па здароўі. Маладыя людзі даведаліся пра беларускага спартсмена-паралімпійца, грамадскага дзеяча, матывацыйнага трэнера Аляксея Талая. Прагучалі вершы Аляксандра Слашчова аб сіле чалавечага духу, сяброўсьве, любові ў выкананні аўтара. Сябра клуба «Калейдаскоп» Андрэй Кучун прачытаў свае вершы. Гучалі аўтарскія песні Аляксандра Слашчова.

Святы і звычаі беларусаў

Беларусь – краіна з самабытнай культурай і вялікай колькасцю народных святаў, у якіх пераплецены хрысціянскія і паганскія звычаі. У гэтым упэўніліся члены клуба «Светлячок» на чарговым пасяджэнні, якое прайшло 23 лістапада ў бібліятэцы № 8. Хлопчыкі і дзяўчынкі пазнаёміліся з гісторыяй беларускіх святаў, даведаліся, як мяняліся звычаі беларусаў. Пашырыць уяўленні пра беларускія святы і звычаі дзецям дапамагло выкананне тэматычных заданняў: складанне календара беларускіх прымет, пошук рэцэпту правільнай куцці, варажба на вадзе і пошукі «папараць-кветкі».

Лазар Заменгоф і яго мова надзеі

23 лістапада ў рамках праекта «Гістарычныя падзеі і асобы ў мемарыяльных дошках горада Гродна» супрацоўнікі бібліятэкі №2 правялі экскурсію «Лазар Заменгоф і яго мова надзеі» для навучэнцаў 7 «А» класа сярэдняй школы №13. З мэтай падахвочванні да развагаў аб моўных праблемах чалавецтва бібліятэкары правялі віктарыну «Навошта патрэбна мова эсперанта?», распавялі, як і калі ў Заменгофа ўзнікла ідэя стварэння ўніверсальнай мовы, як ён яе рэалізоўваў і якія цяжкасці пераадольваў, патлумачылі, як ён апынуўся ў Гародні.

Асаблівую цікавасць у школьнікаў выклікала яго дабрачынная медычная дзейнасць для сістэмы адукацыі і праца ў судзе прысяжным, а таксама занятак перакладамі класічнай літаратуры на эсперанта, калі ён жыў у нашым горадзе. Рабяты захапіліся захопленасцю Заменгофа ідэяй стварыць і распаўсюдзіць сваю мову сярод усіх людзей, але прагаласавалі за тое, каб разнастайнасць моў захоўвалася. Аднак, з задавальненнем вывучылі словы на эсперанта «Дзякуй» і «Калі ласка», «Добры дзень» і «Да пабачэння» і нават павіталіся адзін з адным: «saluton», а на развітанне сказалі «adiaŭ».

У краіне Мульці-Пульці

22 лістапада ў бібліятэцы № 9 прайшла пазнавальная гадзіна «У краіне Мульці-Пульці» для вучняў 1 «В» класа гімназіі № 5. Дзеці пазнаёміліся з этапамі развіцця мультыплікацыі і з тымі, хто адыграў ключавую ролю ў гэтым працэсе – Уолтарам Дыснеем, Уладзіславам Старэвічам. Хлопчыкі і дзяўчынкі з радасцю ўспомнілі свае любімыя мультфільмы, весела адказвалі на пытанні інтэрактыўнай гульні: адгадвалі герояў, урыўкі з анімацыйных фільмаў і крылатыя фразы. Краіна «Мульці-Пульці» падарыла дзецям добры настрой і зарад бадзёрасці на цэлы дзень. Завяршылася мерапрыемства праглядам мультфільма «Крошка Янот».

Экскурсія ў Чырвоны касцёл

22 лістапада супрацоўнікі дзіцячай бібліятэкі №5 арганізавалі экскурсію ў Касцёл Найсвяцейшага Адкупіцеля, які размешчаны ў мікрараёне Дзевятоўка, для навучэнцаў дапаможнай школы № 1 г.Гродна. З-за свайго колеру касцёл часта называюць чырвоным. Будаўніцтвам храма займаўся каталіцкі ордэн рэдэмптарыстаў і пабудаваны ён у стылі неаканструктывізму.

Айцец Віктар пачаў экскурсію з пункту, дзе закладзены камень ад базылікі святога Пятра, што ў Рыме. Пазнаёміў з унутраным убраннем касцёла: галоўным алтаром, хрысцільняй, з найбольш значнымі скульптарамі, звярнуў увагу школьнікаў на арган. Асаблівае захапленне выклікала рухомая батлейка. Такога віду батлейка маецца ў касцёле Маці Божай Анёльскай і кляштар Францішка, дзе ёю можна палюбавацца падчас Каляд.

Вядомы ураджэнец Гродна

22 лістапада дзіцячая бібліятэка №7 арганізавала экскурсію да будынка Аўташколы ДТСААФ, дзе размешчана мемарыяльная дошка генералу арміі А.І. Антонаву. Мемарыяльная дошка ўстаноўлена ў 1989 годзе на будынку Аўташколы ДТСААФ па вуліцы Камарова, 3. Загадчыца бібліятэкі распавяла трэцякласнікам сярэдняй школы №7 пра жыццё ўраджэнца Гродна Аляксея Інакенцьевіча Антонава. Генерал Антонаў падчас вайны і пасля яе займаў значныя пасады (быў начальнікам Генеральнага штаба), аднак не быў шырока вядомы. Сёння яго імя займае бачнае месца ў славутым шэрагу савецкіх военачальнікаў. Дзякуючы экскурсіі рабяты даведаліся пра земляка і пранікліся пачуццём гонару і павагі.

Дадатковая інфармацыя