Чытаем з густам. «Балада пра каралеўскі бутэрброд»

Сёння ў праекце «Чытаем з густам» Зінаіда Крылова прачытае нам вершаваны жарт пра некапрызнага караля, мудрую каралеву, шчодрую карову і самы смачны бутэрброд. А таксама вы даведаецеся гісторыю лепшага сняданка на хуткую руку, які ў розных краінах мае самыя пацешныя назвы. Слухаем «Баладу пра каралеўскі бутэрброд» А.А.Мілна у перакладзе С.Маршака.

Летапіс Гродна

10 верасня ў Гродзенскай гарадской цэнтральнай бібліятэцы імя А. Макаёнка адбылася прэзентацыя кнігі вядомага гісторыка, прафесара Вячаслава Вітальевіча Шведа «Летапіс Гродна. 1005–1995». У сваім выступе Вячаслаў Вітальевіч распавёў пра ўжо вядомыя  і новыя факты гродзенскай гісторыі, пазнаёміў з фрагментамі дакументаў, спісамі бурмістраў, прэзідэнтаў, ганаровых грамадзян Гродна і іншымі матэрыяламі, якія змешчаны ў выданні. Кніга выйшла ў свет у гродзенскім выдавецтве «ЮрСаПрынт». На сустрэчу завітаў галоўны рэдактар выдавецтва Аляксандр Аляксандравіч Рыжы. Напрыканцы мерапрыемства жадаючыя мелі магчымасць пагутарыць з аўтарам і выдаўцом, набыць кнігу з аўтографам, пазнаёміцца з матэрыяламі выставы, прысвечанай дзейнасці В.В. Шведа.

 

Угадай героя казкі

На пытанні відэавіктарыны «Угадай героя казкі» адказвалі вучні 1 Б класа СШ № 7 10 верасня ў бібліятэцы №7. Дзеці пазнаёміліся з асаблівасцямі літаратурнага жанру на прыкладзе рускіх народных казак пра сяброўства, выручку і ўвагу да навакольных. Актыўна адгадвалі складаныя загадкі. А пасля мерапрыемства жадаючыя ўзялі кнігі дадому.

Мы за бяспечны свет!

10 верасня бібліятэка №10 правяла з выхаванцамі дзіцячага садка № 105 віктарыну «Мы за бяспечны свет», мэта якой – фарміраванне асноў бяспечных паводзін дзяцей на прыродзе і на вуліцы. Малышы адправіліся ў паход па краіне бяспекі: гулялі ў камунікатыўныя і рухомыя гульні, адгадвалі загадкі, абмяркоўвалі правілы паводзін на ў лесе і ў горадзе, паслухалі ўрыўкі з кніг: «Блытаніна» К. Чукоўскага, «Пра правілы дарожнага руху з малюначкамі», «Мяч» С. Маршака, Э. Вулард «Чым абедаў волат? ». Навучыліся быць асцярожнымі да небяспечных для чалавека і навакольнага свету прыроды сітуацыях, замацавалі спосабы паводзін у іх, элементарныя ўяўленні аб правілах бяспекі дарожнага руху. Развілі памяць, увагу, назіральнасць, рухальныя здольнасці, навучыліся беражліва ставіцца да жыцця чалавека.

Вершы на ўсе выпадкі любві

Бібліятэка №2 адкрывае другі сезон праекту «Час чытаць вершы», які называецца «Вершы на ўсе выпадкі любві». Ва ўвядзенні гаворыцца аб псіхалагічных кнігах пра каханне і пра тое, што пачуццё кахання ўскладняе свядомасць чалавека і яму часта не хапае слоў, каб зразумець і выказаць сябе. У такіх сітуацыях можна выкарыстоўваць для выражэння сваіх пачуццяў словы, знойдзеныя паэтамі. На працягу двух месяцаў раз у тыдзень у сацыяльных сетках будуць публікавацца прачытаныя гродзенскімі школьнікамі вершы вядомых паэтаў пра каханне, якія можна вывучыць і выкарыстоўваць, калі не хапае ўласных слоў, каб прызнацца ў каханні, каб перажыць адкінутае, змякчыць растанне або сварку, і ў іншых складаных сітуацыях.

 

Там, дзе жывуць кніжкі

8 і 9 верасня ў дзіцячай бібліятэцы №7 весела і пазнавальна праходзіла знаёмства першаклашак СШ №7 з «кніжным храмам». Школьнікі вучыліся арыентавацца ў бібліятэчнай прасторы; пазнаёміліся з правіламі бібліятэкі, кніжнымі выставамі і перыядычнымі выданнямі для малодшых школьнікаў, атрымалі адказы на пытанні, якія ўзніклі. У канцы сустрэчы першаклашкі захацелі стаць чытачамі. Кожны атрымаў у падарунак бібліятэчную закладку.

 

Дадатковая інфармацыя