Чароўная музыка слоў

27 сакавіка ў бібліятэцы № 2 для навучэнцаў 2 «Г» класа СШ № 11 прайшла гадзіна паэзіі «Чароўная музыка слоў». Бібліятэкары распавялі пра Сусветны дзень паэзіі, абмеркавалі ролю вершаў для развіцця асобы. Пазнаёмілі з творчасцю гродзенскіх дзіцячых паэтаў, паказалі прэзентацыю «Чароўная сіла паэзіі». Школьнікі паспрабавалі самі падбіраць рыфмы да розных слоў і гэта ў іх атрымалася. Напрыканцы адбылося гучнае чытанне ўрыўка з кнігі «Нязнайка і яго сябры», у якім герой асвойваў прафесію паэта.

Новыя прыгоды кацяня Шмяка

27 сакавіка бібліятэкары аддзела абслугоўвання дзяцей ГЦБ імя А. Макаёнка наведалі сваіх маленькіх чытачоў з дзіцячага сада №35. А кампанію ім склалі цудоўны кацяня Шмяк і вясёлы мышаня Сырнік – героі серыі кніг англійскага пісьменніка Роба Скоттана. Хлопчыкі і дзяўчынкі даведаліся, як Шмяк даглядаў куранят і пёк торт на конкурс, каб атрымаць галоўны прыз – тэлевізар. А пасля чытання дзеці навучылі Шмяка і Сырніка маляваць вялікіх і маленькіх пірацкіх папугаяў, чым вельмі парадавалі сяброў.

Добрыя кнігі – сябры назаўжды

У сувязі з распаўсюджваннем каронавіруснай інфекцыі бібліятэкі Цэнтралізаванай бібліятэчнай сістэмы г. Гродна з вялікім шкадаваннем вымушаныя перанесці ўсе запланаваныя масавыя мерапрыемствы Тыдня дзіцячай кнігі на няпэўны час. Гэтая мера прадыктавана імкненнем звесці да мінімуму верагоднасць распаўсюджвання захворвання сярод наведвальнікаў бібліятэк. Але ніхто і нішто не можа адмяніць сустрэчу з кнігай на кніжнай выставе.

У дзіцячых (і не толькі) бібліятэках, пачынаючы з 26 сакавіка і па 4 красавіка, арганізаваны выставы лепшых твораў сусветнай дзіцячай літаратуры: чытачоў чакаюць кнігі беларускіх і замежных аўтараў, казкі, навукова-папулярная літаратура.

Запрашаем пазнаёміцца ​​з выставамі ў бібліятэках: № 2 (Белуша, 37), № 3 (Л. Чайкінай, 49), № 5 (Пушкіна, 30), № 6 (пр. Касманаўтаў, 4а), № 7 (Камарова, 5) , № 8 (БЛК, 43), № 10 (Пестрака, 36).

 
 

Самы праўдзівы барон на свеце

25 сакавіка навучэнцы 4 «Б» класа СШ №7 сталі ўдзельнікамі літаратурнага ўрока «Самы праўдзівы барон на свеце», прысвечанага 235-годдзю кнізе Р. Э. Распэ «Прыгоды барона Мюнхгаўзэна» ў бібліятэцы № 7. Школьнікі пазнаёміліся з галоўным героем кнігі – Еранімам Карлам Фрыдрыхам фон Мюнхгаўзэнам, які жыў у Германіі ў 18 стагоддзі. Дзеці ўспаміналі цікавыя эпізоды апавяданняў, абмяркоўвалі рэальнасць тых ці іншых прыгод героя, спрачаліся аб праўдзівасці гісторый. Завяршэннем мерапрыемства стаў прагляд мультфільма «Прыгоды барона Мюнхгаўзэна».

Падару я дзецям радасць

23 сакавіка ўдзельнікі дзіцячага клуба «Знайка» сталі гасцямі літаратурнай гасцёўні «Падару я дзецям радасць» ў бібліятэцы № 7, прысвечанай дзіцячаму пісьменніку Карнею Чукоўскаму. Школьнікі пазнаёміліся з жыццём і творчасцю К.Чукоўскага, апынуліся ў дзіўным свеце казак, якія напоўнены мудрасцю і весялосцю, адгадвалі загадкі, вырашалі рэбусы і крыжаванкі.

Сустрэча з Аляксандрам Каралёвым

19 сакавіка ў Гродзенскай гарадской цэнтральнай бібліятэцы імя А. Макаёнка адбылася творчая сустрэча з беларускім пісьменнікам і музыкам Аляксандрам Каралёвым. Аляксандр Аляксандравіч – аўтар двух дэтэктыўных раманаў «Чырвонае сонца» і «Тры дзявяткі – 999» і мноства песень, выканаўца шансону і гітарыст. З канцэртамі і літаратурнымі прэзентацыямі аб'ехаў усю Беларусь – ад сталіцы да аграгарадкоў. Творчасцю займаецца больш за 25 гадоў. З вялікай цікавасцю ўдзельнікі сустрэчы пазнаёміліся з творчасцю аўтара, даведаліся пра тое, як ён знаходзіць сюжэты для сваіх твораў. Аляксандр Аляксандравіч пазнаёміў чытачоў са сваімі вершамі:светлымі, добрымі, прасякнутым інадзеяй і любоўю.

Дадатковая інфармацыя